Сенбілік

Көктемгі кезеңде Алматы қ. “№ 19 қалалық емхана” ШЖҚ КМК жалпықалалық сенбілікті өткізу шеңберінде емханаға іргелес аумақты тазалық пен тәртіпке келтіруге қатысты. Тазалық пен тәртіпті орнатуға әрбір қызметкер өз үлесін қосты: кіші персоналдан бас дәрігерге дейін.

Ағаштардың бұтақтары мен кесінділері алынып тасталды, ұзақ дауылды желден қалған барлық қоқыстар тазартылды, бүкіл аумақ сыпырылды, емханаға іргелес учаскелердегі бордюрлер мен ағаш діңдері ақталды, гүлзарлар ретке келтірілді, терезелер жуылды және ғимараттың қасбетін шаңнан тазартты, емхананың дәліздері мен холлдарында күрделі тазалау жүргізілді.

Біз пациенттеріміздің таза ауамен дем алып, жарық және таза бөлмелерге барғанын қалаймыз.

Біз әрбір пациенттің тез сауығып кетуіне қолайлы жағдай жасаймыз!

Таза ауа – біздің емделушілеріміздің денсаулық кепілі!